Шернурышто вӱдым колтышо аварийный пучым тӧрлат

Шернур посёлекысо Советский уремыште А. Конаков лӱмеш тоштер-выставке комплекс дечын тораште огыл вӱдым колтышо аварийный пучым тӧрлат.
Тиде пашалан Шернур округын корно фондшо гыч окса ойыралтын. План дене пашам вес ий апрельыште мучашлышаш улыт ыле, но подрядчик тений ноябрьыште тиде пашам ыштен шукташ палемда. Тиде пучым пыштыме дечын вара ик ганат тӧрлен огытыл, тиде жапыште конструкций чот тоштемын. Тидлан кӧра, ты тураште транспортлан кудалышташ чареныт ыле. Кызыт уремыште асфальтым шарат. Тидын нерген округын администрацийже палдара.

Источник: МЭТР — Марий Эл Телерадио