Марий Элыште Республикысе клинический йоча эмлымверын инфекционный у корпусшым чоҥен шуктат

Марий Элыште Республикысе клинический йоча эмлымверын инфекционный у корпусшым чоҥен шуктат.

Тидын нерген Марий Эл Вуйлатыше Юрий Зайцев увертарен. Тачысе кечылан объект 95 процентлан ямде. Корпусым тений идалык мучаш марте пашаш колташ палемдат. Тылеч вара вигак мебельым да медицине оборудованийым налыт. Проектлан федерал бюджет гыч 146 миллион теҥгеаш оборудованийым колташ контрактым ыштыме. 2027 ийлан объектым тӱрыс пойдараш республикысе бюджет гыч эше 162 миллион теҥгем палемдыме. Ондак стационар 1963 ийыште чоҥымо тошто зданийыште верланен. Проектым федерал кӱкшытыштӧ полшымылан кӧра илышыш шыҥдараш йӧн лийын: у корпусым чоҥымо нерген йодыш Федераций Совет да Россий Минздрав ончылно ик гана веле огыл нӧлталтын. У медицине объектын чумыр акше 600 миллион наре теҥгеш шуэш.

Источник: МЭТР — Марий Эл Телерадио