Марий Эл гыч проект-влакым «Маршрут года» турист премий дене палемденыт
Марий Эл гыч проект-влакым «Маршрут года» Россий кӱкшытан турист премий дене палемденыт.Сеҥыше-влакым Нижний Новгород олаште саламленыт. «Лучшая городская экскурсия» номинацийыште Шереметев тукымын историйже дене палдар…
Марий Эл гыч проект-влакым «Маршрут года» Россий кӱкшытан турист премий дене палемденыт.
Сеҥыше-влакым Нижний Новгород олаште саламленыт. «Лучшая городская экскурсия» номинацийыште Шереметев тукымын историйже дене палдарыме семын «Все начинается с замка» проект сеҥен. Тидын дене пырля замокын эше ик номинацийыште сеҥымашыже уло. Тиде «Лучшая идея маршрута» номинацийыште «Юрино: от промысла к столу» гастрономий проект. Тудо кундемын кидпаша мастарлыкшым да сийым ончыкта. Этнографий проект-влак коклаште икымше верыште - туризмым вияҥдыме агентствын «Край звонких гуслей» проектше. Рӱдолаште турист ретро-троллейбус ший призёр лийын. Той медаль дене Козьмодемьянск тоштер комплекс, тыгак Йошкар-Олан историй тоштерже палемдалтыныт.
Источник: МЭТР — Марий Эл Телерадио
