«Синяя птица» школым чоҥен шуктат

Йошкар-Олаште Юбилейный микрорайонышто «Синяя птица» школым чоҥен шуктат: объект 93% ямде.
Марий Эл чоҥымаш ден ЖКХ министерствын уверышт почеш, у тунемме вер 825 тунемшылан палемдалтын. Зданийым вӱдым ситарыме, вӱдым йоктарен колтымо, шокшым пуымо да электроснабжений сетьлашке ушымо. Кызыт инженер системым монтироватлат, пӧлем-влакым сӧрастарыме, омсам шындат да кӱварым ыштат. Паша умбакыже шуйна, тыгак воктенысе кумдыкым тӱзатат. Кӧргӧ отделкым писынрак колташ эше ик подрядный организацийым ушымо. Пашан кызытсе темпшым, улшо задачым шуктымым да объектым пашаш колташ ямдылымым аклаш манын, площадкыште регионысо чоҥымаш, архитектур да ЖКХ, тыгак образований да науко министерствылаште тыршыше-влакын паша совещанийышт эртен. Школым чоҥен шуктымо да объектым пашаш колташ разрешенийым 2026 ий мучаште налшаш улыт.

Источник: МЭТР — Марий Эл Телерадио