Теле тӱҥалтыш гыч Йошкар-Ола уремла гыч 87 тӱжем утла кубометр лумым луктыныт.

Каныш кечылаште гына пашазе-влак рӱдолаште 13 тӱжем кубометр лумым эрыктен, тудым лум свалкыш колтеныт. Тушто кок бульдозер лумым шӱка. Кечывалым ола уремлаште 33 единице технике пашам ышта, тӱҥ шотышто корным лопкаҥдат, квартал-влак кокласе корным кокла шот дене 10 единице технике эрыкта.

Йошкар-Ола администраций могай уремым эрыкташ тӱҥалыт, еҥ-влаклан ончылгоч шижтара да корно тӱр гыч автомашинам кораҥдаш йодеш.

Источник: МЭТР — Марий Эл Телерадио