Самырык-влакын рӱдерыштым олмыкташ тӱҥалыт

2027 ийыште Кужэҥер округышто да Звенигово районышто самырык-влакын рӱдерыштым капитально олмыкташ тӱҥалыт.

Юрий Зайцевын кӱштымыж почеш Марий Эл Виктер вуйлатышын алмаштышыже - тӱвыра, печать да калык-влакын пашашт шотышто министр Константин Иванов регион вуйлатыше пелен самырык-влакын политикышт шотышто Советын заседанийжым эртарен. Константин Иванов палемден: самырык еҥ-влаклан мутланаш лийме йӧнан кумдык, яра жапым эртараш, тӱрлӧ мерояприятийыш ушнаш верым ыштат. «Республикыште тыгай кумдык-влакым ыштат да уэмдат: Йошкар-Олаште Самырык-влакын полатышт пашам ышта, тудым капитально олмыктымо, Юнармийын пӧртшым ыштыме, «Авангард» сарзе-патриот рӱдерын административный зданийжым уэмдат». 2027 ийлан Кужэҥер округышто «МОСТ» да Звенигово районышто «Мечта» самырык-влакын рӱдерыштым капитально олмыкташ палемдыме. Тиде паша «Регион для молодых» конкурсышто сеҥымашын лектышыже лиеш.

Источник: МЭТР — Марий Эл Телерадио