Курыкмарий округысо Пайгусово школышто тений кок оралтым капитально олмыктат

Курыкмарий округысо Пайгусово школышто тений кок оралтым капитально олмыктат.
Пашам 2027 ий августлан мучашлышаш улыт. Кызыт объектыште вес этаплан чолган ямдылалтыт. Тӱҥалтыш школ зданийлан пластик стеклопакетым конденат шуктымо. Кыдалаш да кугурак класслан корпусышто пужымо паша да чоҥымо шӱкшакым эрыктымаш эртат. У тунемме ий тӱҥалтышлан кок зданийыштыжат чоҥымо пашам, отмосткым тӱжвал велым сӧрастараш да тӱзаташ, леведышым олмыкташ шонат. Тылеч посна олтымо, вӱдым ситарыме да канализаций системым вашталтат, электрооборудований ден тулым тӱрыс уэмдат, пожарный сигнализацийым да оролымо системым шындат. Тыгак маломобильный еҥ-влаклан пандусым келыштарат. Тидын нерген округысо администрацийыште палдарат.

Источник: МЭТР — Марий Эл Телерадио