Курчак театр фестивальыш каен

Республикысе курчак театрын труппыжо тора Барнаулыш «Зазеркалье» курчак театр-влакын Россий кӱкшытан фестивальышкыже каен.

«Сказка» лӱмеш Алтайысе кугыжаныш курчак театрыште мемнан артист-влак эн изи йоча-влаклан шындыме «Снег» постановкым темлат. Тиде 10 тылзаш гыч 2 ияш марте икшыве-влаклан келыштарыме спектакль. «Зазеркалье» фестиваль 2019 ий гыч кок ийлан ик гана эртаралтеш. Тений тудо нылымше гана эрта да 35 ола гыч 50 утла йодмашым поген. Конкурс программыш Архангельск, Пермь, Ставрополье да Барнаул гыч 12 коллективым пуртеныт. Нуно шке спектакльыштым ончыктат, ты радамыште Марий Элысе курчак театр. Тений фестиваль Россий театр ушемын 150 ийжылан пӧлеклалтеш. 

Источник: МЭТР — Марий Эл Телерадио