Федерал кугорно-влакым шошым вӱд ташлыме вашеш тергат

Волго-Вятскуправтодор профилактике мероприятийым тӱҥалын. Подрядный организаций-влак вӱдым колтышо пуч-влакым ий да лум дечын эрыктат.

23 март гыч лопышто, эҥер але плотина воктене улшо корно-влакым тергаш тӱҥалыт. Посна тӱткышым вӱд нӧлталалт кертме вер-влаклан ойырат.

Шошым вӱдлан корно службо-влак 1,5 тӱжем кубометр инертный материалым, инвентарьым ямдыленыт. Тыгак оперативно пашам шукташ 5 бригадым чумыреныт, тушто 36 еҥ, 19 единице технике.

Источник: МЭТР — Марий Эл Телерадио