Петрова Даша - Туныктат (Светлана Яндукова - Лидия Иксанова)

Пытартыш 10 муро
Петрова Даша - Туныктат (Светлана Яндукова - Лидия Иксанова)
Фарит Таишев - Ялгыз каен
Азалия - Комеш йозек
Garasat - Edren dingez
Фарит Таишев - Ярамаган сине яратырга
Малика - Ник котмеден
Фарит Таишев - Чакырма, дингез кызы
Малика - Эле де соям
Семенов Валерий, Веткин Евгени - Киров вел такмак-влак
Сергеева Галина - Ужатымаш

МАРИЙ ТИШТЕ КЕЧЕ

7 декабря 2017 - Владимир
article2740.jpg

 Марий Тиште кечым республикыште кумдан палемдена. Теве ынде визымше гана, тиште кече вашеш Марий кугыжаныш университетыште, тунемме да лабораторий корпусышто, «Марла чын возена» тӱшкан возымо диктант эрта. Тений ончычсо семынак диктантым возымашке марий-влакын тӱшкан илыме верла гыч, республикын районла гыч кумылан-влак ушненыт. 1 декабрьыште С.Г.Чавайн лӱмеш калыкле книгагудышто книга ончерым почмо. Тудо 15 декабрь марте шуйна. Тыгак тыштак 9 декабрьыште йоча ден кугыеҥ-влаклан ятыр мероприятий эртаралтеш. С.Г. Чавайнын сылнымут кабинетыштыже экскурсий лиеш.  7 декабрьыште МарНИИЯЛИ-ште «Марий йылмыште мут ышталтме йодыш» йыргешке ӱстел 11 шагатлан тӱҥалеш, 15 шагатыште «Марий-влакын ончычсо историйышт дене кылдалтше ӱчашымашым лукшо йодыш-влак» шанче-практике семинар эрта. Тиде кечынак М.Шкетан лӱмеш Марий национальный драме театрын воштончыш залыштыже марий тӱр мастар Ираида Степанован «Марий тӱрыштӧ Юмо-влак» книгажын презентацийже лиеш, 13 шагатат пелылан тӱҥалеш.

 

8 декабрьыште Йошкар-Оласе 1-ше номеран кыдалаш школышто «Финн-угор калык-влакын тиште памятникышт» презентаций паша дене конкурс эртаралтеш. Тиде кечынак «Краевед» клубын черетан заседанийже лиеш. Тушто марий тиштын вияҥме йыжыҥлажым нергелаш тӱҥалыт. 9 декабрьыште муниципал кӱкшытыштӧ этнокультурный предметла (марий йылме, марий кугыжаныш йылме, марий литератур, ИКН, татар йылме, татар литератур) дене олимпиаде эртаралтеш.

 

 

Марий тиште пайремлан пӧлеклалтше тӱҥ мероприятий 10 декабрьыште М.Шкетан лӱмеш Марий национальный драме театрыште лиеш. Тыште «Ме марий улына» фотоончер, книга ончер почылтыт. «Мунло» уш-акылым пудыратыше марафон эртаралтеш. Тудо 12 шагатлан воштончыш залыште тӱҥалеш. Пайремым почмо ужаш 15 шагатыште лиеш. Пайрем «Эреҥер» спектакльым ончымаш дене мучашлалтеш. Марий тиште кечым декабрь мучко палемдаш тӱҥалыт. 15 декабрьыште Усталык ушем-влакын пӧртыштышт Марий книга савыктыш ден Марий Элысе писатель ушемын лукмо книга-влакын презентацийышт эрта. Тыгак Йошкар-Оласе кажне книгагудо ончерым почыт але ушым пудыратыше программе-влакым йочаланат, самырык ден кугурак ийготан еҥ-влакланат эртарат.

Комментарии (0)

Нет комментариев. Ваш будет первым!

Добавить комментарий
Обращаем Ваше внимание на то, что данный интернет- сайт носит исключительно информационный характер и ни при каких условиях не является публичной офертой, определяемой положениями Статьи 437 ГК РФ. Для получения подробной интересующей Вас информации.
Пожалуйста, обращайтесь по телефонам редакции.