УВЕР 21.06 21 июня 2017 | 0 комментариев
Подробнее
УВЕР 19.06 21 июня 2017 | 0 комментариев
Подробнее
УВЕР 20.06 21 июня 2017 | 0 комментариев
Подробнее
УВЕР 17.06 21 июня 2017 | 0 комментариев
Подробнее
УВЕР 18.06 21 июня 2017 | 0 комментариев
Подробнее

Петухова Лилия - Шочмо кече (Петухов Владимир - Филатов Иван)

Пытартыш 10 муро
Петухова Лилия - Шочмо кече (Петухов Владимир - Филатов Иван)
Николаева Нина - Ала вудшо келге да (народная - народные)
Какшан сем - Шочмо кече (Елена Рыбакова - Римма Кудрявцева)
ЛУНГАЛТЫШ - Тек йўр йўреш (Изергин Николай - Изергин Николай)
Данилова Раисия - Аваем (Егоров Иван - Мардан Рая)
Филиппов Евгений - Мотор шошо (Филиппов Евгений - Филиппов Евгений)
Головин Николай - Тауштем тыланда (Тихонов Валерий - Головин Николай)
Ильина Лариса - Ит мондо (Краснова Эльвира - Рычкова Дина)
Фоминых Татьяна - Ош каваште (Александр Мамаев - Александр Мамаев)
ШУДЫР-ВЛАК - Ме марий улына (Григорьев Геннадий - Сунгурова Раисия)

15-ше мартлан УВЕР ЙОГЫН

16 марта 2017 - Владимир
article2554.jpg

 Марий Элыште илыше-влакын чотышт  1 процентлан шагалемын. 1 январьлан республикыште 684 тӱжемат 684 еҥ ила. Маристатын палдарымыж дене, естественный прирост 492 еҥ гын, мемнан кундем гыч 1673 еҥ каен. Статистике дене, олалалаште 450 679 еҥ ила гын, яллаште 235 005 еҥ. Идалык жапыште олаште илыше-влакын чотышт 1 187 еҥлан шукемын гын, ялыште 2300 нарылан шагалемын. 2016-шо ий тӱҥалтышлан республикыште 685865 тӱжем еҥ илен.

 

Кодшо ийын республикыште ийгот дене пенсийышке шушо 44 еҥлан Пенсий фонд пенсийым шотлымаште отказатлен. Амалже – нине еҥ-влаклан шоҥгылык дене страховой пенсийым налаш але стаж, але пенсионный коэффициент (балл) ситен огыл. Кодшо ийын шоҥгылык дене пенсийышке лекташ 7 ий паша стаж кӱлын, да 9 балл. Стаж да балл-влакын ситыдымаш тиде шукыж годым пашам официаллын огыл ыштымаш. Таче кечынат шукыжно официаллын пашам огыт ышта. Республикыште персонифицированный учет дене республикыште 14 тӱжем наре еҥ пашадарым эн изи кугыт дечын шагал налыт, очыни шукынжо «сур» пашадарым налыт. Пашашке пурымо годым тидым шотышко налман, шижтарат пенсий фондышыто. Тений мутлан, шоҥгылык дене пенсийым налаш 8 ий стаж да 11, 4 балл кӱлеш, а 2025-ше ийлан эн шагалже 15 ий стаж да 30 балл кӱлеш. 

 

 

 

Марий науко рӱдерым у еҥ вуйлата

 

 

9-ше мартыште Йылмым, сылнымутым да историйым шанчын шымлыше (ЙСИШШМарИ) Валериан Васильев лӱмеш марий институтышто у вуйлатышым сайленыт.

Йӱклымаште кок кандидат лийын: историй науко кандидат Дмитрий Александрович Байдимиров ден Тимофей Евсеев лӱмеш калыкле тоштер вуйлатышын алмаштышыже, историй шанче кандидат Евгений Петрович Кузьмин. Шукырак йӱкым Евгений Кузьминлан пуэныт. Лишыл жапыште тудым ты должностьыш пунчал дене официальнын пеҥгыдемдышаш улыт, воза «Марий Эл» газет.

 

Марий калыкын шӱшпыкшо чонышто ила. У Торъял район Тошто Торъялын шочшыжо, уста артистке, ший йӱкан шӱшпык гай мурызо Майя Романова ила гын, 23-шо мартыште 90 ийым тема ыле. Тудын шочмо кечынже, 14 шагатлан, артисткын илыме пӧртыштыжӧ (Волков урем, 166) шарнымаш оҥам почыт. Журналист, мурызо, артист-влакым да кӧ тудым шарна, пагален ӱжына. А 26-шо мартыште 15.00 шагатлан М.Шкетан лӱмеш Марий кугыжаныш драме театрыште кугу концерт лиеш. Марий эстрадын чолга шӱдыржӧ-влак Зоя Берникова, Геннадий Петухов, Вячеслав Созонов, Светлана Строганова, Иван Смирнов, Роза Искакова, Александр Речкин, Эльвира Токташева, Вадим Краснов да молат шке сылне мураршашышт дене тендан деке вашкат. Тиде концертын ик ужашыже РСФСР-ын да Марий АССР-ын сулло артисткыже Майя Романовалан пӧлеклалтеш, тудын мурымо мурыж-влакым йоҥгалтараш тӱҥалыт.

 

Республикысе марий тӱвыра рӱдер, Марий Эл Республикын тӱвыра, печать да калык-влакын пашашт шотышто министерствын полшымыжлан эҥертен, республикын кугыжаныш йылмышт дене рекламе конкурсым увертарен. Республик кӱкшытан конкурсыш аудио-, видео-, тӱжвал рекламым да информаций конструкций-влакым ямдылыше рекламе агентстве, предприятий ден амалкалче-влак ушнен кертыт. Республик кӱкшытан конкурс икмыняр  номинаций дене эрташ тӱҥалеш, тыгодым тӱжвал сынан рекламым, газет, радио, телевиденийыште лекше рекламым аклаш тӱҥалыт. Республик кӱкшытан конкурсышко ушнаш йодмашым  1-ше октябрь марте марий тӱвыра рӱдерышке колтышаш улыт. Сеҥыше-влакын лӱмышт 10-шо декабрьыште, Марий тиште кечын, пале лиеш.

 

 «Шымакш» нерген альбом лектын. Тудын авторжо да ямдылышыже Шернур районысо Александр конаков лӱмеш тоштер-выставке комплекысын директоржо Марина Хабалева. Альбомышто марий ӱдырамаш вуйчием нерген палдарымашым погымо. Текст ден пырля тушто ятыр фотосӱрет уло, нуным Шернур тоштерын фондшо, палыме краевед Михаил Шиляевын коллекцийже гыч, тыгак кидмастар Лидия Веткинан пашаже-влакым пуртымо. Альбомым руш, марий да англичан йылме дене лукмо.

 

«СОГАЗ- Мед» страховой компанийлан тендан тазалыкда шерге, садланак ОМС (ӧкым медицине страхований) дене поликлиникылаште диспансеризацийым яра эртен кертме нерген палдара. Тений диспансеризацийым тыгай еҥ-влак эртен кертыт, кӧн ийготышт кумылтан (3) пайдалалтеш. СОГАЗ-Медыште ешартыш уверым пуат: 8 -800-100-07-02

 

15 шагат 12 шагат

Марий Элыште илыше-влакын чотышт  1 процентлан шагалемын. 1 январьлан республикыште 684 тӱжемат 684 еҥ ила. Маристатын палдарымыж дене, естественный прирост 492 еҥ гын, мемнан кундем гыч 1673 еҥ каен. Статистике дене, олалалаште 450 679 еҥ ила гын, яллаште 235 005 еҥ. Идалык жапыште олаште илыше-влакын чотышт 1 187 еҥлан шукемын гын, ялыште 2300 нарылан шагалемын. 2016-шо ий тӱҥалтышлан республикыште 685865 тӱжем еҥ илен.

 

Кодшо ийын республикыште ийгот дене пенсийышке шушо 44 еҥлан Пенсий фонд пенсийым шотлымаште отказатлен. Амалже – нине еҥ-влаклан шоҥгылык дене страховой пенсийым налаш але стаж, але пенсионный коэффициент (балл) ситен огыл. Кодшо ийын шоҥгылык дене пенсийышке лекташ 7 ий паша стаж кӱлын, да 9 балл. Стаж да балл-влакын ситыдымаш тиде шукыж годым пашам официаллын огыл ыштымаш. Таче кечынат шукыжно официаллын пашам огыт ышта. Республикыште персонифицированный учет дене республикыште 14 тӱжем наре еҥ пашадарым эн изи кугыт дечын шагал налыт, очыни шукынжо «сур» пашадарым налыт. Пашашке пурымо годым тидым шотышко налман, шижтарат пенсий фондышыто. Тений мутлан, шоҥгылык дене пенсийым налаш 8 ий стаж да 11, 4 балл кӱлеш, а 2025-ше ийлан эн шагалже 15 ий стаж да 30 балл кӱлеш. 

 

«СОГАЗ- Мед» страховой компанийлан тендан тазалыкда шерге, садланак ОМС (ӧкым медицине страхований) дене поликлиникылаште диспансеризацийым яра эртен кертме нерген палдара. Тений диспансеризацийым тыгай еҥ-влак эртен кертыт, кӧн ийготышт кумылтан (3) пайдалалтеш. СОГАЗ-Медыште ешартыш уверым пуат: 8 -800-100-07-02

 

Шкетан театр Буинскыш тарвана. 19-ше мартыште Шкетан театрын артистше-влак Маргарита Медикова, Олег Кузьминых, Людмила Казанцева, Сергей Данилов да театрын творческий группыжо Татарстан кундем Буинск олашке тарванат. 12-шо гыч 23-шо март марте «Идель-Урал. БУА – Пространство диалога» I Всероссийский фестиваль эрта. Тушто Урал да Юл кундемысе театр-влак шке мастарлыкыштым ончыктат. Шкетан театр 20-шо мартыште «Эрта ӱмырем, кодеш кумылем...» трагикомедийым аклаш луктеш.

 

Тиде кечылаште Марий Элыште Корта ече базыште ече дистанцийыште спорт туризм дене Российын первентсвыже эрта. Таҥасымашке элнын 24 кундемже гыч 14015 ияш удыр-рвезе-влак погыненыт. «Корта» ече базыште Башкортостан, Коми, Мордовий, Татартсан, Чуваший, тыгак Новосибирск, Свердловский облась, Ханты-Мансийск, тыгак Казахстан гыч спортсмен-влак погыненыт. Таҥасымакшым почмаште Марий Элын тӱҥ федерал инспектор Павел Логинов да Марий Элын спорт министр Сергей Киверин лийыныт. Таҥасымаш-влак икмыняр дистанцийыште эртат.

 

«Кугарня» газет редакций  «Воштылаш, товатат, сулык огыл!» мыскара фестиваль-конкурслан ямдылалтеш. Тушто шке мастарлыкым тергаш да калыкым воштылташ мыскараче-влакым ӱжыт. Участвоватлаш шонышо-влаклан йодмашым редакцийыш пуыман. А кызыт республикысе районлаште конкурсын отборочный туржо-влак эртат: Эртыше кугарнян тудо Шернур поселкышто лийын. Тиде арнян, 17-ше мартыште, «Воштылаш, товатат, сулык огыл!» конкурсын отборочный туржо Волжский районысо Приволжский поселкысо тӱвыра пӧртыштӧ эрташ тӱҥалеш. Тушто Звенигово, Волжский районла гыч мыскараче-влак таҥасат. Концерт сынан мыскара кас 18 шагатлан тӱҥалеш, ончаш каяш вашкыза. Мыскара кас тыгак 22-шо мартыште - Оршанке районысо Тошто Крешын клубышто, 24-ше мартыште - Советский поселкышто эрташ тӱҥалеш. Телефон: 8(8362) 45-11-88, 45-43-72, 89278764402.

Комментарии (0)

Нет комментариев. Ваш будет первым!

Добавить комментарий
Обращаем Ваше внимание на то, что данный интернет- сайт носит исключительно информационный характер и ни при каких условиях не является публичной офертой, определяемой положениями Статьи 437 ГК РФ. Для получения подробной интересующей Вас информации.
Пожалуйста, обращайтесь по телефонам редакции.